واش كاينة فيزا ساهلة فالشنغن ؟ البرتغال ليتوانيا سلوفاكيا ؟

واش كاينة فيزا ساهلة فالشنغن ؟ البرتغال ليتوانيا سلوفاكيا ؟

هاد الموضوع هو رد على أسئلة ديال بعض الاصدقاء اللي كيسولو على دول اخرى في فضاء الشنغن والفيزا ديالها واش اسهل، لانهما ربما سمعو كلام متداول في شي مجموعة
غادي نعطيكم المختصر المفيد فهاد الموضوع، باش منضيعوش فيه الوقت مرة اخرى :
الناس اللي كتسول غلى فيزا بولندا التشيك اليونان لاتفيا ليتوانيا استونيا المجر سلوفاكيا سلوفينيا مالطا…
الا نتا شاب بين 18 و 37 سنة ومنعندكش شنغن في 3 سنوات الاخيرة وعندك اجرة لا بأس بها او تجارة محركة مزيان او طالب الاب او الام ديالك عندهم كدخول لا بأس به
راه من سابع المستحيلات تاخد الفيزا الاولى ديالك من هاد الدول.
الا بانلك ان ملفك ميتقبلش لدى قنصلية اسبانيا، فرنسا، المانيا او ايطاليا فرجاء انسى امر التأشيرة السياحية من هاديك الدول لانها بكل بساطة شروطها اصعب بكثير من شروط اسبانيا او فرنسا، ويستحيل تاخد رفض من اسبانيا مثلا وتعطك اليونان.
كاين بعض الناس تداولو ارقام خاطئة ديال نسب القبول والرفض فبحال هاد الدول هاديك ارقام لا تخص المغرب هي ديال مصر، المغرب اسبانيا هي الاولى فعدد الفيزات الممنوحة للمغاربة ف 2018 بحوالي 450.000 فيزا وفرنسا ثانية بتقريبا 410.000 فيزا ونسبة الرفض الاقل فالمغرب عند فرنسا ب 4،5٪
تخيل انك نتا مسبقش لك خديتي فيزا او سافرتي فحياتك او حالتك الاجتماعية اقل من متوسط وغادي تحاول تقنع قنصلية اليونان او سلوفاكيا مثلا انك باغي دير السياحة عندهم اول مرة….
هاد الدول قرارات الفيزا بالنسبة ليها ماشي سيادية يعني فاش كطلب فيزا مثلا من سلوفينيا هي كتحول كلفك لالمانيا توافق او ترفض، الدول اللي سيادية فقرار منح الفيزا هي اسبانيا فرنسا المانيا ايطاليا بلجيكا وهولندا لكن هاد الاخيرة من اصعب الفيزات حتا سويسرا كتاخد رأي المانيا وفرنسا.

طبعا كاينا استثناءات مثلا والدين ولادهم فاليونان مقيمين شرعيين يطلبوا فيزا اليونان مباشرة غيحصلو عليها.
كذلك معانا صديق خدا فيزا التشيك اول مرة لكن هو الحالة ديالو مختلفة وعندو تجارة جيدة واجرى مقاابلة شخصية مع القنصل كما انه ذو ثقافة عالية وجوازو شبعان اسفار وقدر يقنعهم انه فعلا مهتم بزيارة معالم دولة التشيك.

لذلك نصيحة مضيعوش وقتكم فالبحث على دول قالو عنها سهلة هادشي مكينش من الاحسن خدمو ملف جيد وحسنوا وضعكم الا جتماعي بالعمل والمثابرة والصبر ودفعو فرنسا اسبانيا ملي تشوفو انكم صبحتو جاهزين
اللي قال غير هادشي غير كايبيع ليكم الوهم وكيتاجر باحلامكم.

رابط مختصر

أترك تعليقك
0 تعليق

عذراً التعليقات مغلقة

المصدر :http://www.fredericvisa.com/?p=348