هل فيزا الشنغن مسألة حياة او موت ؟

هل فيزا الشنغن مسألة حياة او موت ؟

الناس اللي كيدفعوا اول فيزا ديالهم بغيت نصلح واحد المفهوم غالط عندهم لان اغلبهم كيتوجه للقنصلية وكيحاول من خلال ملفه يبين ان هاد الفيزا مسألة حياة او موت بالنسبة ليه هذا اكبر غلط راكم كتسهلو عليهم قرار الرفض بحال هكا مكتخليوش ليهم مجال للشك فحسن النوايا ديالكم والامثلة هي
واحد دافع بملف مخلص فيه مسبقا حجز الطائرة والفندق…. انت كتقوليهم انا مستعد نضحي باموالي فسبيل هاد الفيزا والاصح انك تمشي بملف يبان من خلاله انك مجرد سائح ومغديش تغامر بفلوسك تتشد الفيزا يكفي انك خلصتي الفيزا والتأمين قبل متخد القرار… القنصلية كتقولك متخلصش الفندق او الطائرة تانجاوبوك والحجز المؤكد مكيعنيش انه يكون مدفوع مسبقا المؤكد هو القنصلية ملي تتصل بالفندق تلقا اسمك فعلا موجود فلائحة الحجوزات.
المثال الثاني الناس اللي كتبقا تزيد فوثائق غير مطلوبة بحال تصريح بالشرف انك غترجع ولا بطاقة رمادية عندك سيارة… راه غير كتوضعو ملفكم هاكا فموضع شك واش اللي ناوي يحرك غدي يتسوق لورقة ليغاليزي ب 2 دراهم او اللي عندو طونوبيل غادا تخليه يرجع للبلاد حيث غدي توحشها مثلا؟

رابط مختصر

أترك تعليقك
0 تعليق

عذراً التعليقات مغلقة

المصدر :http://www.fredericvisa.com/?p=362