شحال المدة اللي نطلب فالفيزا ؟

شحال المدة اللي نطلب فالفيزا ؟

من اكثر الامور المضحكة عند البعض اللي كيطلب فيزا الاولى ديالو انه كيمشي فالفورميلار يطلب عام او 6 اشهر من الدقة الاولى من باب الا طلبتيها طلبها كبيرة هاد الهدرة دايزة اللي باغي يطلب كاصرونة مقلة كوكوط من عند جارو امام الفيزا كطلب دكشي اللي عندك فالحجز الفندقي واللي انت قادر عليه ماديا لانك مثلا فاش كطلب 10 ايام خاصك اجرة اللي تمكنكك دوز 10 ايام كيف ماكان الفندق القنصلية غتحسب 10 ايام بمعدل 120 يورو لليوم اي 1200 يورو واش نتا كتشد 4000 درهم غادي تحط 12.000 درهم ففندق؟
اما لا درتي 6 اشهر وعام غير سير طلب اخنوش ولا بيل غايتس يعمر لك الكونت.
دابا السؤال كيفاش الناس كياخدو مدة طويلة…
الجواب هو بكل بساطة ملي كتاخد مثلا فيزا اولى فيها شهر من فرنسا وكتدخل بيها من فرنسا ماشي اسبانيا مثلا وكتخرج فالوقت من اي بلد(ماشي مهم بلد الخروج) وكتجي دفع مرة اخرة ولو طلب اسبوع القنصلية غاديا تكافئك على حسن استعمال الفيزا او ما يصطلح عليه bon usage خاصة مسألة بلد الدخول والخروج قبل انتهاء الفيزا، القنصلية غالبا كتضاعف لك المدة وهاكدا يمكن دوز من شهر فالاولى ل 3 اشهر فالثانية حتى توصل 4 سنوات فالسادسة تقريبا.
اما الناس اللي باغا تحرق الفيزا وكتسنى حتا تاخد فيزا طويلة راه غلط هداك لان حتى المهاجر السري عندو بعض الحقوق كالعلاج والمأكل واللي مينكن يحصل عليها حتى كتموت الفيزا الا نتا الفيزا ديالك فيها مثلا سنة ومشيتي تطلب بطاقة الغذاء فاسبانيا مثلا tarjeta de comida اللي كتعطى فبعض الاقاليم كاقليم الباسك للمهاجرين بدون اوراق راه ميعاونوك بوالو والفيزا ديالك مازال صالحة غيقولك رجع بلادك.
دابا كيفاش تعرف المدة اللي تطلب فاول فيزا :
الاجرة اقل من 4000 درهم = 6 ايام على الاكثر
بين 4000 و 7000، درهم = 10 ايام على الاكثر
7000 تال 10.000 = 15 يوم.

رابط مختصر

أترك تعليقك
0 تعليق

عذراً التعليقات مغلقة

المصدر :http://www.fredericvisa.com/?p=374